Festa ederra jarri zuen atzo ere, Astigar kultur taldeak

35 urte bete dira aurten, Astigar kultur taldeak lehenengoz Santiomendin dan­tzatu zuela, eta oraindik ere arinak daudela erakutsi zuten atzo, San Roke egunean, Santiomendiko ermitan. Dantza egiteaz gain, azken bi urteetan festa antolatzen ere talde berbera aritzen da, eta jakin dute, itzaltzen ari zen  egunari auspoa ematen.   Horretarako errezeta: dan­tza, musika... eta 170 kg-ko betizua; bukatu arte jateko prestatua, apetiturik haundiena zeukatenentzat.

Asko izan ziren atzo Santiomendira inguratu zi­re­nak, goiz pasa; eta asko, ber­tan bazkaltzen geratu zirenak ere: 170 lagun, hain justu. Urnietako Mon­te­­frio baserritik ekarritako be­tizua zuten plater nagusia, eta en­tsalada, gazta, eta sa­gar­doa­rekin bultza zioten, bukatu arte. Ez zen gutxiagorako, mimo guztiz erre baitzuen Elorrioko Karlos Iba­rron­do sukaldariak, hasi goizaldeko 01:30etan, eta arratsaldeko 14:00ak arte. Bazka­lon­doan, dantzan egin zuten dijestioa animatuenek, Alaiki musika taldearekin.