MATXIN IVak erremontista onenen artean egoteko meritu guztia duela erakutsi zuen larunbatean Galarretan. Lizasoren kontra jokatu zuen final laurdenetako azken partidua, eta 19-18 irabazi zuen. Partidua amaitu aurretik Lizaso erretiratu egin zen ezker iztarren izan zuen zaintiratuaren ondorioz. Partidua oso berdindua izan zen, eta hasieran, 3-0eko partziala Lizasoren aldekoa izan bazen ere, Matxin IVak berehala lortu zuen berdinketa, 4-4koa. Momentu horretatik aurrera berdinketa ugari izan ziren, 19-18ra iritsi arte. Partiduak 40 minutuko iraupena izan zuen eta 151 pelotakada eman zituzten. Larunbateko garaipenarekin, Matxin IVak finalerdietarako pasea lortu du, eta A taldean jokatuko du Ezkurra eta Urrutia Igoarekin batera.
Lizasok mina partidu
hasieratik sentitu zuen
Partiduko ia aurreneko tantutik sentitu zuen mina Lizasok ezker izterrean, eta 16-16ko berdinketan izan zuen zaintiratuaren ondoren erretiratzea erabaki zuen.