chillida-Leku museoan Musika Hamabostaldiko bigarren kontzertua izango da gaur arratsaldean. Piano emanaldia izango da gaurkoa, Marta Zabaleta eta Miguel Borgesen eskutik. Kontzertua arratsaldeko 19:00etan hasiko da, eta sarrera bertan erosteko aukera izango da, 12 euroan.
Robert Shumannen obrako abestiak joko dituzte
Kontzerturako antolatu duten egiteraueko obra guztiak Alemaniako Robert Shumann konpositorearenak dira. Aurten 200 urte bete dira konpositorea hil zela, eta honen omenez joko dituzte ondorengo hiru abestiak: Piezas de fantasia op.12, Kreisleriana op.16 eta Bilder aus Open op.66.
Marta Zabaleta eta
Miguel Borges,
ibilbide luzeko bikotea
Chillida-Leku museotik azaldutakoaren arabera, Marta Zabaletak eta Miguel Borgesk bikote perfektua osatzen dute Shumannen obra jotzeko: «bikotekide dira, eta musikaren munduak ibilbide luzea egindakoak».
Marta Zabaleta Legazpin jaioa da, eta aurreneko musika ikasketak Arantxa Rodriguezekin egin zituen, Donostiako Kontserbatorioan. Eta bere musikari ibilbidean, besteak beste, EMI eta CLAVES disketxeentzako CD ugari grabatutakoa da.
Miguel Borges berriz, Portugalgo Oporto hirian jaiotakoa da. Amelia Vilar izan zen pianoa jotzen erakutsi zion aurreneko irakaslea, eta formazioa Isabel Rocharekin jarraitu zuen, Oportoko Musika Kontserbatorioan. Gaur egun Estatu mailako orkestra ugarirekin eta izen haundiko musikariekin egiten ditu kolaborazioak.
Zabaleta eta Borgesen kontzertua Musika Hamabostaldiko bakarra izango da gaur.