Gazte Egunak badu abestia, Ainhoa Zabaletak egina

Amabirjin jaien hasiera ofizialari aurrea hartuta, Gazte Eguna ospatu zuten atzo Goizuetako gazteek. Eta ondo baino ho­beto ospatu ere, aurten kanta eta guzti baitute! Ainhoa Za­baleta 14 urteko goizuetarrak sortu du Gazte Eguna 2010 abestia eta Kronikak beregana jo du ideia nondik sortu den eta abestia gauzatzen nola moldatu den jakiteko. Hala azaldu dio Kro­ni­ka­ri: «lehenago ere sortu izan di­tut kantak, pianoarekin jotzeko, esaterako, eta kantu txapelketetan-eta ere parte har­tu izan dut. Hori ho­rrela, herriko gaz­te batzuk proposatu zi­daten. Letra sortzeko ideiak eman dizkidate bi gaztek eta doinua neronek jarri di­ot. Le­he­­na­got­ik sor­­­­tua nuen doi­­­­nu bat».
Zabaleta bertsotan ere ari­tzen da eta le­tra sor­tze­­ko la­gun­garri izan zaiola azaldu du. «Egia esan ez zait gehiegi kostatu kantua sor­tzea», aitortu du. Kantuak hiru kopla ditu eta bertan Goi­zueta, Gazte Eguna eta presoak hartu ditu gaitzat Zaba­letak.    Es­t­i­loa­ri dago­ki­o­nez, ska estiloko abes­tia da eta Be­telu­ko Gabe­zin taldearekin grabatu du, taldekidea baita orain dela urtebetetik.
Abestia CDe­tan grabatu eta zabaldu egin du­te, beraz, en­tzu­teko aukera izan­go da taberna eta txosnetan jaietan zehar.

‘Gazte Eguna 2010’

Ongi etorriak gaur
Denok Goizutara,
Nafarroko herritxo
Euskaldun hontara.
Jai herrikoi batzuk
Ekarriz plazara
Denok festa giroan
Murgilduko gara!

Erraiak daude finko
Ta ukabillak tinko,
Ez dute gure herria hilko!
Abuztuak 13
Dugu ostirala.
Gazteok zitatzea
Ezta plan makala.
Egin dezadun salto
´xapoak` bezala
herri osoak ere
gozatu dezala!

Euskara betik-gora
Bihotzetik ahora,
Galdu ditugunak gogora!

URTERO BEZALAXE,              
HELDU DA EGUNA    
GAZTEON ELKARLANEZ        
ERAIKI GENUNA                   
HAU DA GOIZUETAKO
GAZTE EGUNA
GUTARRAK GUZTIOK BAT
EGITEN GAITUNA!

Nahiz ta gaurko egunez
Denok gauden alai,
Ez ditugu presoak
Ahaztuko nolanahi.
Herri guztia gaude
Iñigo zure zai,
Guk ere ez zaitugu
Argazkietan nahi!!i!!