Juaristi finalerdietan da Olazar erraz menperatuta

jon Juaristi zarauztarrak ez zuen apenas zailtasunik izan atzo Patxi Olazarri 30-18 irabazteko. Casino Kursaal Ba­nakako Txapelketaren barru­an, finalaurdenetako laugarren partidua izan zen atzokoa eta garaipen horri esker, Jua­ris­ti finalerdietako ligaxka jokatzeko sailkatu da. Hala, B taldea osatu da: Juaristi, Uterga eta San Miguelek osatzen dute. Partiduari dagokionez, ha­­sierako tantoak kenduta, ez zen jokoaz gozatzeko aukera askorik izan. Parti­dua oso azkar bukatu zen eta ez zen ia peloteorik izan. Horrez gain, atzo, beste hiru partidu ere jokatu ziren. Honakoak izan ziren emai­tzak: Matxin VI-Zubizarreta 35/Zulaika-Barrenetxea IV 31; Zeberio II-Badiola 40/­Urri­­za-Lizaso 38; eta Etxebe­rria IV-Ion 30/Agirresa­robe-Agirreza­bala 18. Bihar, Juaristi-Urrutia I/­Uterga-San Miguel Bihar lau partidu jokatuko dira Galarretan, 16:00etatik aurrera. Honakoak izango dira lehian: Oñatz-Urko/­Urru­­­tia II-Baleztena (35 tantotara); Juaristi-Urrutia I/­Uter­­ga-San Miguel (40 tantotara); Urtasun-Etxeberria III/­­­­Urri­za-Jon (40 tantotara); eta Etxeberria IV-Badio­la/Ma­txin III-Aizpurua II (30 tantotara).