Volodinen pianoaren doinura, Errusian barrena

Donostiako Musika Ha­ma­bostaldiaren barruan, Chi­­­­llida Leku museoak kon­tzertu zikloa hasi zuen atzo Alexei Volodin pianojole errusiarraren emanaldiarekin. Zabalaga baserriko aretora bertaratutakoak, Errusian ba­rrena eraman zituen Volo­dinek, bere pianoaren doinuarekin. Izan ere, pianojole errusiarrak bere herrialdeko mu­sikagile famatuen obrak jo zituen: Dimitri Shosta­kovich, Sergei Ra­ch­ma­­ninov eta Igor Stravins­ki­renak, hain zuzen.  

Datozen hiru igandetan ere, emanaldiak
Chillida-Lekuko kontzertu zi­klo­aren barruan, beste hiru emanaldi ere izango dira atzo­koaz gain. Datozen hiru igandetan izango dira: hilaren 15ean Marta Zabaleta eta Miguel Borges ariko dira; hilaren 22an Iñaki Alberdi; eta hilaren 29an Iwona So­bot­ka. Kontzertu guztiak ordu berean hasiko dira, 19:00etan, eta sarrerek 12 euro balio dute.

Hiru emanaldi gaur, Donostian
Gaurko egitarauari dagokionez, honako kontzertuak izan­go dira Donostian: Kur­saal Auditorioan, Orquesta Sin­fonica del Teatro Mariins­ky eta Orfeon Donostiarra 20:00e­tan. Prezioak: 70 euro, 56 euro, 44,80 euro, 35,80 eu­ro eta 10 euro. Organo zikloan, Olivier Latry ariko da 20:00etan, Santa Maria Basilikan, doan. Eta Antzinako Musika Ziklo­an, Alexandre Tharaud 18:00e­tan, Santa Te­re­sa ko­men­tuan. Sa­rrera: 7 euro. Sarrerak erosteko, sartu ondoko helbide honetan: www.generaltickets.com/kutxa.