Casino Kursaal Banakako Txapelketaren barruan, finalaurdenetako hirugarren partidua jokatu zen atzo Zeberio II eta San Miguelen artean, eta azken honek Elduaiengo pelotaria txapelketatik kanpo utzi zuen aurreikuspen guztiak hautsita. 25-30 nagusitu zen Doneztebekoa sakearekin asmatuta; 10 tanto egin zizkion Zeberio IIri.
San Miguelen bi hutsegiterekin hasi zen partidua, baina segituan eman zion buelta partiduari. Atzoko garaipena lortuta, txapelketako finalerdietako ligaxkarako sailkatu da San Miguel.
Igandetan partiduak izango dira gaurtik aurrera
Gaurtik aurrera, igandetako partiduak itzuliko dira Galarretara, aspaldiko partez. Ezkurra eta San Miguelen arteko estelarrarekin izango da gainera. Guztira lau norgehiagoka jokatuko dira gaur. Honakoak dira partiduak: Zulaika-Zubiri/Endika-Barrenetxea (30 tantotara); Ezkurra-Badiola/Urriza-San Miguel (40 tantotara); Etxeberria IV-Etxeberria III-contra Urtasun-Ion (40 tantotara); eta Matxin IV-Gaztelu/Etxabe II-Aizpurua II (30 tantotara). Partiduak arratsaldeko 16:00etatik aurrera izango dira.