Agirresarobe espetxeratu egin dute, eta Ezkerra libre geratu zen atzo fiantza ordainduta

Gu­rutz Agi­rresarobe baldintzarik gabe es­pe­txeratu egin dute, eta Aitziber Ezke­rra libre geratu zen atzo, 21:00ak inguruan, epaileak ezarritako 30.000 euroko fiantza ordaindu eta gero. Es­pai­­nia­ko Auzitegi Nazio­naleko Fer­nan­do Gran­­­­­de-Marlaska epaileak herenegun gauean hartu zuen erabakia, Luis Barroso fiskalaren eskaria ain­tzat hartuta.
Bi atxilotuak herenegun arra­­tsaldean pasa ziren epailearen aurretik eta inkomunikatuta deklaratu zuten, hau da, konfiantzazko abokaturik ga­be. AAMk jakinarazi zuenez, atzo, konfian­tzazko abokatuak Agirre­saro­be­rekin egoteko aukera izan zuen. Familiak gaur izango du berarekin egoteko aukera.
Bi atxilotuei, ETAko ki­de izatea le­po­ratzen diete eta Agirre­saro­beri 2003an Jose­ba Pagazaur­tun­dua An­do­ain­­go Udaltzain­bu­rua hil­tzea eta Ezkerrari hilketan la­gun­tzea.

Hondartzetan
aldarrikapenak gaur
Amnistiaren Aldeko Mugi­men­­duak deituta, gaur, Eus­kal Herriko hondartzetan eki­­menak izango dira euskal preso politikoen eta iheslarien eskubideak aldarrika­tzeko. Her­­­naniri dagokionez, deialdia Atsegin­de­gin egin dute 11:00e­tan, denak batera kotxeetan joa­teko.