Udaletxearen kontratazio sistemaren aurka, kontzentrazioak Zaharren Egoitzan

Zaharren Egoitzan aldi ba­terako kontratua duten erizain laguntzaileak kon­tzen­trazioak ari dira egiten egunero, eguerdiko 12:00­etan eta arratsaldeko 18:00­etan, egoi­tzaren aurrean. Erizain laguntzaile taldeak dio Hernaniko Udala erizain laguntzaile titulurik ez duten langileak ari dela kontratatzen. Kontzentrazioekin salatu nahi dute kontratazio sistemarekin duten desadostasuna eta lau eskaera egiten dituzte. Alde batetik, eska­tzen dute kontratatzen diren langileek beharrezkoa den titulazioa izatea, orain arte eskatu den moduan, eta horren arabera kobratzea. Baita ere, eskatzen dute bajak, mediku baimenak eta abar betetzea langile poltsarekin edo langile zerren­darekin. Ho­rrez gain, kontratazio berriak solairuetako egutegietan sar­tzea eskatzen dute. Eta azkenik, diote, Udalak lan programa hauek kontratatu dituenetik (Fo­mento eta Au­zo­lan), orain arteko aldi baterako langileen turnoak asteburuetara murriztu dituztela, aste egunetarako disponibilitatearekin, eta ho­rrek euren lan egoera es­kastu besterik ez duela egin.