Urriza eta Lizasok 40-37 irabazi zuten Uterga eta Urrutiaren kontra, azken hilabeteetako estelar onenetakoa izan zen partiduan

Txalo zaparrada luzearekin bukatu zen atzoko estelarra Gala­rretan. Urriza eta Lizasok jokatu zuten Uterga eta Urrutiaren kontra, eta 40-37 irabazi zuten, zaleen arabera, azken hilabetetako partidu onena izan zena. Lau erremontisten artean bat aukera­tzea ia ezinezkoa izan zen atzokoan, guztiek maila oso altuan jokatu baitzuten. Partidu oso berdindua izan zen, eta alderik na­bar­menena Urriza eta Lizasok lortutakoa izan zen, 27 eta 18koa. Jaialdiko aurreneko partiduen berriz, Matxin VI eta Aizpurua IIak galdu zuten 31-35, Endika eta Olazarren kontra.