Fernando Ros Naparra hil zela 24 urte bete ziren herenegun eta haren heriotza gogoan izan zuten hainbat herritarrek Hernanin. Antziola auzoko Bidebieta plazan izan zen ekitaldia.
Naparra 1986ko uztailaren 28an hil zen Hernanin, errefuxiatuen estradizioak salatzeko protestaldi batean, deskarga elektriko bat jasanda.
Naparra Abarzuzakoa zen (Nafarroa), baina Hernanin bizi izan zen 1978az geroztik. Bere jaioterrian ere egin zen haren omenezko ekitaldia igandean. 40 bat lagun elkartu ziren, tartean, Hernaniko 15. Ekitaldian, Lizarrako AAMk eta Abarzuzako eta Hernaniko lagunek hartu zuten hitza eta Naparra gogora ekartzeaz gain, momentuko egoera politikoaz aritu ziren. Jon Anzaren heriotza ere izan zuten ahotan.
Datorren urtean ekitaldi berezia
Datorren urtean, Naparraren heriotzaren 25garren urteurrena izango dela eta, ekitaldi berezia antolatuko dute Abarzuzan. Hernanin ere baliteke zerbait berezia egitea.