Testu Bateratuari buruzko azalpenak eman ditu Udalak

Uztaileko Plenoan, Arau Subsi­dia­­rio­en Errebisioaren Testu Bate­ra­tuari ha­sie­rako onarpena eman zi­tzaion, 12 urte tra­mitazioetan pasa on­doren, eta orain era­kusketan dago hi­la­bete osoan Biterin. Alegazioak egiteko aukera ere badago. Di­bulgazio fase horren ba­rruan, Udalak liburuxkak banatu ditu etxez etxe eta bi hitzaldi antolatu ditu Testu Bateratuari bu­ruz­ko azalpenak ema­te­ko; biak ber­di­nak. Herenegun izan zen lehenengo txan­­da eta bertan Marian Bei­tialarran­goi­tia Alka­tea eta Imanol Ji­me­nez arki­tek­toak eman zuten proze­suaren eta Arau Subsidiario ho­riek herrian era­gin­go du­ten aldaketen berri. Bigarren hi­tzal­dia as­teazkenean, 19:30etan izango da, Bi­te­rin.

«Ahal dugun neurrian saiatu gara koherentzia ematen errebisioari»
Aurreko Arau Subsidiarioak 1996ra arte izan ziren indarrean, eta orduko Udalak era­baki zuen errebisio bat hastea. Erre­bi­sio prozesuak 1998tik 2007ra arte iraun zu­en, urte hartan Dipu­tazi­oak onartu egin baitzuen Arau Subsi­dia­rioen Erre­bi­si­oa, baina par­tzial­ki; hainbat alor bertan behera utzi zi­tuen. Hori ho­rretan zela, egun­go Go­ber­nu Taldeak ira­bazi zituen hautes­kundeak eta egungo Uda­lari ego­ki­tu zaio Dipu­tazioak bertan behera utzi­tako alorretan aldaketak egi­tea; hau da, Arau Subsidiarioen Errebi­sio­a­ren Tes­­tu Bateratua sortzea. Hala azal­du zuen Ji­me­nezek eta gaineratu zu­en, esku artean aurkitu dutenari ahal den neurrian kohe­rentzia ematen saiatu di­re­la eta herri­ta­rren beharretara ego­kitzen. Esa­terako, etxe­­bizitzei dagokie­nez, 2.686 etxe­bizitza be­rri egingo dira, aurreko arau­ak biltzen zue­­na baino 164 gutxiago. Jime­nezek, es­­ta­­dis­tiketan oina­rrituta, azal­­du zuen Her­na­nik 800-1.400 etxe­bizi­­tza beharko lituz­ke­ela 8 urtetarako eta arau­ak biltzen due­na 16-20 urterako dela, bai­na ahale­gin­du arren, Arau Subsidia­ri­o­­­en Errebisi­oak ez duela utzi Testu Bate­ra­t­uan etxe gutxiago egiten. Horrez gain, testu bateratuaren bidez, lurzoru gutxia­go erabiliko da, erriberako lurretan ez da erai­­ki­ko, kultur ondarea babestuko da, eta jasan­garri­ta­sun eta ingu­rumen iriz­pi­deak eta Mugi­kortasun Plana beteko di­ra, besteak beste, herenegun azalduta­koa­­ren arabera.

Irrigoenea eta Papelera del Norte botatzearekin kezkatuta herritarrak
Gaiak duen garrantzia ikusita, herria­ren etor­kizuneko antolamendua ber­tan bil­tzen baita, herri­tar mordoa azaldu zen hi­tzal­dira. Aldaketa ugari izango dira he­rri­ko hainbat auzotan, esaterako, Irrigoe­nea botako da Leo­kako bidezubia berres­ku­ratzeko as­mo­­tan eta Papelera del Nor­te ere Floridatik kenduko da, bide berria egi­­teko, trenbide azpitik. Zenbait he­rri­ta­rrek desadostasuna eta kezka azal­du zu­ten. Irrigoeneari dagokio­nez, azaldu zu­ten etxea XVII. men­de­koa dela, herrita­rren parte dela eta ho­ri botata ez dela zu­bi­a­­ren beste begirik azalduko. Erabaki ho­­rren aurka sinadurak biltzen ari direla ja­kinarazi zuten. Papelerari dagokionez, be­rriz, Alkateak ziurtatu zuen Galarre­ta­ko proiektuaren barruan, hiribarrutik ate­ra­tzen diren industria guztiek tokia ziur­tatua dutela, baita Papelerak ere. He­rri­tarren ekarpenak aztertuko dituztela gaine­ratu zuen.