Kontzentrazioa gaur Plazan, eta bihar errepideetan ekimenak, presoen eta iheslarien es­kubideak aldarrikatzeko eta dispertsioa salatzeko

Os­tiralero bezala, gaur, kalera aterako dira hainbat herritar euskal preso politikoen eskubideak aldarrika­tzera. Hilabeteko azken ostirala izanda, Gudarien plazan kontzen­tra­zioa izango da, 20:00e­tan, Gaixo larriak eta kondena osoa betea duten presoak etxera lelopean. Horrez gain, Amnistiaren Aldeko Mugimenduak, urtero bezala, ekintza nazionalak antolatu ditu udan, presoen eta iheslarien eskubideak aldarrika­tzeko eta dispertsioa salatzeko. Ekintza horietako bat bihar izango da; errepideetara aterako dira aldarrikapenak, hain zuzen. Hernaniarren­tzat hi­­tzordua Atsegindegin da 11:00etan. Bertatik kotxeetan abiatuko dira eta Resan utziko dituzte. Andoain-Billabona tar­teko zatia banderolaz bete­tzea da asmoa. Eta igandean, berriz, Loiolako Santutegian izango da aldarrikapena. Deialdia 08:15etan da Atsegindegin, autobusean joateko. Apun­ta­tzeko zerrenda Garinen dago.