Eguraldi kaxkarra, baina giro paregabea

madalenak ospatzeko egun osoko festa izan zen atzo Lizeaga auzoan, eta eguraldiak askorik lagundu ez arren, girorik ez zen falta izan. Goi­zean haurrentzako jolasak izan zi­ren, hala nola, lokotxak, zaku karrera eta sokatira. Sasoi ederrean daudela erakutsi zuten auzoko gaztetxoek. Ondoren, lehiaketen txanda izan zen. Txistorra lehiaketan 6 partaide izan ziren: Va­nesa eta Miguelo harategia, Pi­neda, Josu Alkorta, Alberdi, Putxueta eta Iñaki Etxaniz. Pi­ne­dak irabazi zuen. Patata tor­tilla lehiaketara 10 tortilla aur­keztu ziren. Egileak hona­ko­ak izan ziren: Gaspar, Ma­ddi, Lizeaga taberna, Aixa, Ma­ri­bel Martin, Igone Odrio­zo­la, Loren Oiarbide, Ro­si, Sil­via eta Arantxa Egile­go. Epai­mahaiaren arabera, Ro­­sik egin zuen tortillarik go­xoe­na, Arantxa Egilegok on­do­ren, eta Maddirena ez zen urruti ibili. Ma­rraz­ki lehiaketan be­rriz, Eider Alvarez, Julen Baz, Julen Raigon eta Naiara San­chez izan ziren sarituak. Bazkaltzeko, 200 lagunen­tzako paella prestatu zuten, 20kg arroz eta behar adina saiheski eta oilaskorekin. Arra­­­­tsaldetik ilunabarrera, berriz, Diskofesta izan zen eta guztiek batera dantzan agurtu zituzten jaiak, euriari aurre eginez.