Hernaniko bolariek hitzordua dute igandean, bola tiraldia izango baita Aian. Tiraldia probintzia mailakoa izango da, eta parte hartu nahi dutenek, ohitura den moduan, aldez aurretik eman beharko dute izena. Izen-ematea bolatokian bertan izango da, goizeko 09:30etatik 10:30etara.
Saria izango da aurreneko hamarrentzat
Aurten ere sari bikainak izango dira txapelketan aurreneko hamarren artean sailkatzen direnentzat. Aurrenekoak jasoko ditu txapela, trofeoa, 72 euro eta inskripzioetan bildutakoaren %40a; bigarrenak trofeoa, 60 euro eta inskripizioen %20a; hirugarrenak trofeoa, 54 euro eta inskripzioen %10a; laugarrenak 48 euro eta inskripzioen %10a; bosgarrenak 42 euro; seigarrenak 36 euro; zazpigarrenak 30 euro; zortzigarrenak 24 euro; bederatzigarrenak 18 euro, eta hamargarrenak 12 euro. yy