Santio Eguna ospatuko dute gaur, Arano eta Astigarragan

Arano eta Astigarragan San­tio jaietan murgilduta dabiltza eta gaur izango dute egun haundia, Santio Eguna izaki. Hori horrela, bai batean bai bes­tean, ez da aspertzeko aukerarik izango.

Olasagasti eta Lopez
aizkoran eta punta-puntako lau bertsolari, Aranon
Santio Eguna behar bezala os­patzeko, egitarau erakargarria prestatu dute Aranon gaur. Eguerdian, mezaren ondoren, Arano eta Goizue­taren arteko ohiko partidua jokatuko da. Arratsaldean, berriz, herri kirolak izango dira. Bertan, aizkoran lehiatuko dira Olasagasti eta Lopez. Ondoren, punta-puntako lau bertsolarien saio­az gozatzeko aukera izango da: Amets Arzallus, Sustrai Colina, Julio Soto eta Iker Zubeldia. Jaie­guna bukatzeko, parrillada eta Elustondo anai-arreben emanaldia izango dira.

Denetarik gaur Astigarragan
Goizeko 07:00etan aulki jo­koa­rekin eta txokolate jatearekin hasita, denetarik aurkitu ahal izango da gaur As­ti­garragan: musika, haur jolasak, dantza emanaldia, batukada, bertso-saioa, kale an­tzerkia, kontzertuak... Santio Eguna ondo baino hobeto ospatzeko aukera izango da dudarik gabe.

GAURKO EGITARAUAK:

Aranon:
11:00 Meza.
12:30 Arano-Goizueta arteko ohiko pelota partidua. Aranotik Huizi-Legarreta eta Goizuetatik Apezetxea-Zabaleta.
18:00 Herri kirolak - Iparraldeko jokuak.
19:30 Bertsolariak: Amets Arzallus, Sustrai Colina, Julio Soto eta Iker Zubeldia.
Ondoren, Parrillada.
Gaua girotzeko: Elustondo anai-arrebak.

Astigarragan:
07:00 Aulki jokoa eta txokolate jana Foru plazan.
09:30 Txistularien Diana.
11:00 Meza nagusia ermitan.
11:00 Txirrindularitza 4-11 urte bitartekoentzat, Arrobitxulon.
12:30 Tximeleta txaranga.
17:30 Haurrentzako jolasak Apeztegi plazan.
18:00 Astigar taldearen dantza-erakustaldia pelotalekuan.
18:30 Massaranduba batukada.
19:00 Hamaika Bertutekoen bertso-saioa txosnetan: Iñaki Gurrutxaga, Jokin Labaien, Eneritz Zabaleta, Manex Agirre, Arkaitz Oiartzabal eta Alaia Martin.
20:00 Kale antzerkia: ‘Olimpikas 2012’. J. Barandiaran plazan.
22:30 The Uski’s taldea
J. Barandiaran plazan.
23:00 Laiotz taldea txosnetan.
23:45 Larrain-dantza Foru plazan.
00:30 Trikizio J. Barandiaran plazan.