Ekintzaz beteta datoz aurten ere, Santio eta Santa Ana

Astigarragako jaien ba­rru­an, bihar eta etzi izango dira egun nagusiak, izan ere, Santio eta Santa Ana Egunak ospatuko dituzte. Hori horrela, ekintzaz betetako egitaraua prestatu du­te. Bihar, esaterako, goizean goizetik hasiko dira giroa berotzen aulki joko eta txokolate janarekin. Eta ondorengo or­duetan mu­sika izango da nagusi Txis­tularien Diana eta Txi­meleta txa­rangarekin. Arratsaldean, Astigar taldeak dantza erakustaldia eskainiko du eta dantzatzeko gogoz ge­ra­tzen denak aukera izango du Ma­ssa­randuba batukadaren errit­­­­mora ibiltzeko. Horrez gain, bertsorik ez da faltako Hamaika Bertu­tekoen eskutik eta kale antzerkiaz go­za­tzeko aukera ere izango da: Olim­pikas 2012. Santio Eguna kontzertu, Larrain-dantza eta erromeriarekin agurtuko dute. Santa Ana Egunez, berriz, pro­tagonista izango dira, ohi be­za­la, baserritarrak. Hori ospatzeko, Zubietako joaldunak, Eus­kal Herriko jakien azoka, sagardo das­taketa, bertsolariak eta idi de­ma izango dira goiz partean. Arra­tsaldean, berriz, herri kirolak Astigarragako auzo ezberdinen artean. Jaiak agurtzeaz Trakets, su artifizialak eta zezensuzkoa arduratuko dira, baina horren aurretik, hegaluzea jateko edo afari-merienda herrikoian parte hartzeko aukera izango da.