Suziria jaurtitzearekin batera hasi ziren atzo Santio Jaiak Aranon eta hiru eguneko festa giroa aurretik dute oraindik aranoarrek. Gaur, Umeen Eguna izango da eta puzgarriak, jolasak, txokolatada eta Arno ganadutegiko haziendak izango dituzte txikienek. Horrez gain, Feriya eta tortilla lehiaketa antolatu dituzte azken urteetan egin bezala. Bertan, Herriko produktuez gozatzeko aukera izango da, hala nola, gazta, sagardoa... Herriko eskulangileen lanak ere erakusgai izango dira. Hori eguerdiko 12:00etan izango da. Gau partean, berriz, oilasko jatea eta Tapia, Ostolaza eta Aitzolen emanaldia izango dira.
Egun nagusia bihar
Santio Eguna bihar da eta ospatzeko, ekintza mordoa antolatu dituzte: Arano eta Goizuetaren arteko pelota partiduak, herri kirolak, aizkolariak eta bertsolariak izango dira. Ilunabarrerako, berriz, parrillada izango da eta gaua girotzeko, Elustondo anai-arrebak ariko dira.
Festak etzi bukatuko dira, San Juakin eta Santa Ana egunarekin. Urtero bezala, Jubilatuei zuzendutako eguna izango da eta bazkari ederra izango dute aurten ere.
Egitaraua
Uztailak 24, Umeen Eguna
11:00 Meza.
12:00 Feriya eta tortilla
lehiaketa.
15:30 Puzgarriak eta ume jolasak.
18:30 Txokolatada.
19:00 Arno ganadutegiko haziendak umiantzat.
22:00 Oilasko jatia.
00:30 Tapia, Ostolaza eta Aitzol.
Uztailak 25, Santio Eguna
11:00 Meza.
12:30 Betiko pilota partidua Arano eta Goizuetako afizionatuen artean:
*Arano: Huizi-Legarreta.
*Goizueta: Apezetxea-Zabaleta.
18:00 Herri kirolak: Iparraldeko jokuak.
Ondoren, Aizkolariak: Olasagasti eta Lopez.
19:30 Bertsolariak: Amets Arzallus, Unai Iturriaga, Julio Soto eta Iker Zubeldia.
Ondoren Parrillada.
Gaua girotzeko, Elustondo anai-arrebak.
Uztailak 26, San Juakin eta Santa Ana,
Jubilatuen Eguna
11:00 Meza.
12:00 Hamaiketakoa.
Ondoren, pelota partiduak haur eta jubenilen artean:
*Mujika-Apezetxea/
Altsua-Apezetxea
*Lopez-Elorza/ Lujanbio-Murgiondo
14:00 Jubilatuen bazkaria izango da Kontsejun, Joxe Agirre eta Imanol Lazkano bertsolariekin eta Jexuxen Jazbanarekin.