Dominekin itzuli dira etxera Mañel Azpurua eta Olatz Altuna igerilari hernaniarrak Bartzelonan jokatu den Espainiako Absolutu txapelketatik. Maitane Danborenak finalera pasatzea lortu zuen parte hartutako hiru frogetan.
Zilarrezko domina lortu zuen Aizpuruak errelebotan
Mañel Aizpuruak 4x100 errelebotako proban lortu zuen zilarrezko domina, 3:25.97 minutuko denbora eginda; bere txanda 51.55 segundutan egin zuen. 4x200 errelebotako proban ere emaitza ona lortu zuen, eta laugarren izan zen.
Horrez gain, 200 metro librean eta 100 metro librean finalerako sailkatu zen Aizpurua, eta 50 metro libreko frogan ere hartu zuen parte.
Altunak brontzea lortu zuen
Olatz Altunak brontzezko domina lortu zuen froga berdinean baita ere, hau da, 4x100 errelebotan. 3:51.86 minutuko denbora egin zuten, eta Altunaren marka 58.42 segundutakoa izan zen. Altunak 100 metro libre eta 50 metro libreko frogetan ere hartu zuen parte, eta bietan finalerako pasea lortu zuen.
Danborena finaletan izan zen
Maitane Danborenak 200 metro bizkar, 100 metro bizkar eta 50 metro bizkar frogetan hartu zuen parte, eta guztietan lortu zuen finalerako pasea.