Haur jolasak, lehiaketak, paella jatea eta diskofesta igandean, Madalena jaietan

madalena eguna ospatuko dute igandean Lizea­ga auzoan, egun bateko jaia izango da, ekitaldiz betetakoa. Goizeko 09:30­etan hasi eta ilundu bitartean izango dira ume eta helduentzako ekitaldiak: haur jolasak, hiru lehiaketa, paella jate herrikoia eta musika, besteak beste. Hamalau urteko hutsunearen ondoren, aurten hirugarren aldiz jarraian ospatuko dituzte geroz eta arrakasta haundiago duen festa.

Jolasak, lehiaketak eta poteoa bazkaldu aurretik
Festei hasiera emango dien txupinazoa goizeko 09:30­etan botako dute, eta handik aurrera, paella jatearen au­rretik, hainbat ekitaldi izango dira. Haurrek aurreneko ordutik izango dute festez goza­tzeko aukera, antolatzaileek prestatuko jolasak joizeko 10:00etan hasiko baitira. Goizean zehar, baita ere, izango dira eguneko hiru lehiaketak: txistorra lehiaketa, patata tortila lehiaketa eta marrazki lehiaketa. Patata tortila lehiaketan parte hartu nahi dutenek, hasi baino ordu laurden lehenago aurkeztu beharko dituzte tortilak, hau da, 11:15etan eraman beharko dituzte. Ondoren, lehiaketak amaituta, auzokideek poteo popularra egingo dute, auzoko tabernetatik barrena.

Paella jatea, umeentzako jolasak eta dantzaldia arratsaldean
Eguerdiko 14:00etan izango da auzotar gehien bilduko duen ekitaldia, paella jate arrakastatsua. Hori bai, jan ahal izateko, aldez aurretik erosi behar dira txartelak, eta gaur da azken eguna. Segidan, bazkalostean, eta eguraldiak laguntzen badu, ur globo gerra antolatu dute umeentzako; eta ordu erdi beranduago, 16:30etan, puzgarriak izango dira. Arratsaldeko 17:00etan egingo dute lehiaketetako sari banaketa, eta ordu berean baita ere hasiko da Dis­kofesta. Jai eguna, ofizialki, 20:00etan bukatu da, nahiz eta izango den festa giroan jarraituko duen auzotarrik.

Plaza Berri taldea da Lizeagako futbito txapelketako irabazlea

Aurten aurreneko aldiz, futbito txapelketa antolatu dute Lizeaga auzoan Madalena jaien aitzakian. Partiduak asteburu bat lehenago jokatu ziren, hau da, joan den asteburuan, Gay-Murreko ze­laian. Giroa aparta izan zen asteburu osoan zehar, jokalariek animoak jaso baitzituzten partiduak ikustera hurbildutako auzotarrengandik. Plaza Berri futbito taldea izan da txapelketako onena, eta igandean jasoko dute saria, 100 euro, eta paella jaterako txartel bana. Biga­rre­na, Bar Urumea taldea izan zen, finelan 2-1 galduta.