Esne makina martxan izango da abuztuan

Eguneko esne freskoa eta bertakoa erosteko aukera izango da Hernanin, laster; izan ere, esne makina martxan izango da abuztua bukatzerako, Behe­men­diko (Landa Garapenerako Elkartea) Juan Cruz Alberdi kidearen arabera.  «Azken uki­tuak bakarrik falta dira eta hila­bete honetan martxan izan­go da». Esne makina Urbieta ka­lean dago, Kiroldegiaren aurre­an. Alberdiren iritziz, «lekua ona da, herriaren erdigu­nean baita­go».
Erosgai izango den esnea Landarbaso mendiko Basasoro baserriko Joxe Miguel Iñarra esne ekoizlearena izango da.

Bertakoa izatea eta ingurumena eta osasuna zaintzea helburu
Gipuzkoan bultzatutako proiek­tu hau, EHNE sindikatua (Eus­kal Herriko Nekazarien Elkar­tasuna), Behemendi eta Lurgin­tzaren (Nekazaritza eta Abel­tzain­tzako Gestio Zentrua) arte­ko proiektua da. Eta aldi berean, Behemendi, eskualdeka, Udalen partaide da. Beraz, kasu hone­tan, Hernaniko Udalaren bai­me­na behar izan du. Hori horre­la, proiektu honetan guztiek hi­tzar­tu dituzten baldintzak izan dira: esne ekoizlea bertakoa edo eskualdekoa izatea, ingurume­na kontuan izatea eta enbaseak be­rrerabiltzea (herriko Agenda 21a jarraituta) eta osasuna zain­tzea (Europako proiektua jarrai­tuta). «Esne ekoizlea ingurukoa izatea, batez ere, EHNE sindi­ka­tuaren baldintza izan da, base­rri­tarrak bitartekaririk ez behar izateko. Horrez gain, ekoizle ba­koitzak gehienez, bi makina jar­tzeko aukera izango du, dena ez dadin gutxi batzuen esku gera­tu».  
Aukeraketari dagokionez, lehia­keta publiko bidez egin dela azaldu du Alberdik. «Her­naniko ekoizle bat bazegoen, baina azkenean ez da posible izan inbertsiorik egiteko auke­rarik ez zuelako. Eskualdetik kanpoko ekoizle gehiago ere aurkeztu ziren, baina aipatutako baldintza kontuan hartuta, baz­tertu egin ziren. Landarbaso mendiko Basasoro baserrian ekoizten duen Joxe Miguel Iña­rrak jarriko du azkenean». Lan­dar­basok Hernani, Errenteria eta Donostiarekin muga egiten duela kontuan izanda hartu zuten erabakia.

Europako proiektuarekin bat, osasunaren alde
Behemendiko kidearen esane­tan, osasunak bere garrantzia du proiektu honetan: «Osasuna atez ate bezala, janarira zuzen­dutako proiektua daramate Euro­pan. Italian sortu zenetik zabaltzen ari da egitasmoa, osa­suna zaintzeko helburuarekin eta bat egiten dugu horrekin. Ikerketak egin dira eta ikusi da minbiziaren kontra, prebentzio gisa, esnearen eguneko kontsu­moa garrantzitsua dela, baina ez edozein esnerena».

Litro bat, euro batean
Kalitatezko esnea dela ziurta­tze­ko, bi baremo hartzen dituzte kon­tuan: koipea eta baktereolo­gia. Horrez gain, esnea da egu­ne­koa, freskoa, eta ahal den neurrian ekoizlearen generoa­rekin egina, hau da, behiek ber­tako belarra jaten dute.  «Zapo­re­an ere nabari da aldea. Zora­garria da postreak egiteko, eta guk yogurrak egitearena ere berreskuratu dugu», dio Alber­dik. Esnea pasteurizatua dago, beraz, ez da egosi behar eta 5 eguneko iraupena du.
Horrez gain, nabarmendu du oso erosoa dela. «Makinan bertan badaude botilak salgai, 20 zentimotan, baina etxetik eramandako beste botila batek ere balio dezake, urarentzako erabiltzen den botila batek, esaterako. Esnea, berriz, euro batekin litroa daukazu eta litro erdia ere badago hartzea, 50 zentimotan».

«Topikoei kasurik ez»
Alberdik azaldutakoaren ara­be­ra, esnearen inguruko topikoei ez zaie kasurik egin behar: «esneak loditzen duela gezurra da. Litro batek arrautza batek adina gizentzen du, eta hori ez da ezer. Esneak koipea du, bai, baina koipe hori ona da. Benecol bezalako produktuak era ho­rretako koipearekin egiten dira eta koipe horiek kolesterola eli­minatzeko izaten dira».