Giro ederrean hartu du alkate kargua Maitere Azurmendik

Orain dela zazpi urte berreskuratu ziren Karmen Jaiak Kaxkoan eta ordutik girorik ez da falta izan Karmen Egu­nean. Atzo ere goizean goizetik gau partera arte izan zen saltsa Kardaberaz kalean eta Kale Nagusian.
Auzotarrak Dianarekin es­­­­­natu ondoren, haurrentzako jo­­­koak izan zi­ren eta eguer­­dian puntu-puntuan iri­tsi zen Alkate Ma­kila es­kuz al­da­tze­ko ordua. Mª Je­sus Itur­­bidek Mai­tere Azur­men­diri pasa zi­on Maki­la eta urtebeterako al­kate kargua. Azur­mendik azal­­du zuen ohorea zela beretzat eta ziur zegoela egun ederra pasako zutela. Hori esanda, «Gora Hernani, gora An­drekalea eta gora Karmengo Amabirjina!», oihu­­katu zituen izendapena ikustera hurbildutako jende mordoaren aurrean. Mª Isa­bel Setien, Mokoko Mai­xa­­beli ere egin zioten omenaldia.
Arratsalde partean, he­rri bazkarian indarrak har­tu eta karta saio ederra egin zuten Kar­daberaz kalean. Haurrek, berriz, puzgarri­ak eta txokolatada izan zi­tuzten. Jaie­gu­nari amaiera sardinjatearekin eta La­ket taldearen kon­tzertuarekin eman zitzaion.

Kaxko elkarteak badu
zuzendaritza berria
Orain arteko auzo elkarteko zu­zendaritzari erreleboa emango dion taldea ere aurkeztu zuten. Bes­teak bes­te honakoek osatzen dute tal­dea: Oihana Ape­ze­txea, Lai­da Lizarribar, Isabel Zu­bi­lla­ga, Jesus Arregi, Mi­guel Lu­janbio, Itziar Marin, Pi­li Lujan­bio, Luis Gorro­txa­tegi, Esther Uizi, Bixi Ma­rin, Fran­cisco Tejedor eta Segundo Ale­jos. Horiez gain, laguntzeko prest diren gehiago ere badira.