Kardaberaz kaleko Maitere Azurmendik pozarren hartuko du gaur Alkatetza kargua

Urtea pasa da eta Alkate Ma­kilari iritsi zaio eskuz aldatzeko eguna. Maria Je­sus Itur­bidek Kardaberaz kaleko Mai­tere Azur­mendiri pasako dio  gaur Ma­kila, eta horrekin batera, baita Alkatetza kargua ere. Hernaniko Kro­nika Azur­men­direkin bil­du da Alkate izen­da­tze bez­peratan, eta aitortu du pozarren har­tuko duela kar­gu berria. Sena­rrari ere broman aritu omen zaio: «Al­ka­tea­ren bikotea izango zara!», esanez.
Dena dela, harrituta utzi du izendapenak: «Koinata pare­an bizi da eta hark esan zidan:  ´Aurten zu izango zara alkatea`. ´Pertsona egokiagorik ez al zegoen?`, erantzun nion».

Diskurtso motza
Maitere Azurmendi herna­nia­rra da jaiotzez eta betidanik bizi izan da Kardaberaz kaleko 22 zenbakian. Izen­da­pena bertan izango da, lehenengo pisuan. Hernaniar petoa izaki, herriko ospakizun askotan hartu izan du eta har­tzen du parte; besteak beste, San Joan Konpartsan eta Gabonetan. Hori horrela, jende aurrera ateratzeak ez dio lotsa berezirik ematen, baina hitz egiteak pixka bat bai aitortu duenez. Beraz, «diskurtsoa motza eta kontzentratua izango da», dio barrez.
Karmen eguna, urtero bezala, kaleko giroan ospatuko du gaur ere Alkate berriak. Goizeko mezara joan, herri bazkarira ere bai gonbidatu gisa alabarekin, eta ondoren, hain gustoko duen karta saioan hartuko du parte.