Karmen eguna ospatuko dute gaur Kaxkoko bizilagunek, goizetik gauerdira bitartean. Urteroko moduan, festa eguna ospatzeko ekitaldi ugari antolatuko dituzte, adin tarte guztietarako.
Egun guztiko festa
Goizeko 09:00etan Dianaren doinuekin esnatuko da Kaxkoa, eta ordu berean, meza izango da Agustindarren elizan. Ondoren, eta txupinazoa bota bitartean, haurrentzako ekitaldiak antolatu dituzte Udaleku Irekietako begiraleek; Kaxkoko kaleetan barrena izango dira.
Eguerdiko 12:00etan izango da festa egunaren hasiera ofiziala, eta bertan egingo da eguneko ekitaldi nagusienetako bat: Alkate makila eskuz aldatzea. Mª Teresa Azurmendi izango da, datorren urtera arte, Kaxkoko Alkatea. Eta aurten ere izango da omenaldia: Mª Isabel Setien omenduko dute, Mokoko Maixabel bezala ezaguna. Mokoko Maixabelek 50 urte daramazki udaletxeko arkupetan, momentuan momentuko barazki eta loreak saltzen.
Goizeko bi ekitaldi nagusiak bukatuta, Plaza Berrin elkartuko dira bizilagunak, bazkari eder baten bueltan.
Zuzendaritzaren
aurkezpena arratsaldean
Arratsaldean ere izango da zertaz gozatu Kaxkoan, 16:00etan karta saioak izango dira, eta 17:00etatik aurrera umeentzako gaztelu puzgarria, eta txokolatada. 20:00etan izango da eguneko beste ekitaldi nagusia, erakuslehio lehiaketako sari banaketa egiteaz gain, Kaxko Elkarteko zuzendaritza aurkeztuko baitute. Ondoren festa giroak jarraituko du, sardin jatearekin, eta musikarekin.
EGITARAUA:
09:00 Diana.
09:00 Meza. Agustindarren elizan.
10:00-12:00 Umeentzako jokoak.
12:00 Jaien hasierako txupinazoa. Makila eskuz aldatzea eta omenaldia.
14:00 Bazkaria Plaza Berrin.
16:00 Karta saioak Kardaberaz kalean. Bikote mistoak edota emakumezkoez osatuak.
17:00-19:00 Puzgarriak P. Berrin.
18:00 Haurrentzako txokolate jana Plaza Berrin eta jokoak Kale Nagusian.
20:00 Sari banaketak eta zuzendaritza berriaren aurkezpena.
20:00-22:00 Sardinada P. Berrin.
21:00-24:00 Laket P. Berrin.
Festa amaierako txupinazoa.