Informazioa eta publizitatea esku-eskura, ogiarekin batera

Publipan enpresak egitasmo berri bat jarriko du mar­txan Buruntzaldean, irailetik aurrera. Jendeari informazioa helarazteko bide berria erabiliko du; hau da, ogiaren pol­tsa izango da Burun­tzal­deko informazioa eta publi­zi­tatea zabaltzeko euskarri be­rria.
Miguel Ulecia Publipa­ne­ko arduradunak eta Jose Ma­nuel Mendez Buruntzaldeko or­dez­kariak atzo prentsaurrean azaldu zuten jendearengana iristeko modu ez­ber­din, eraginkor eta ekolo­gi­koa de­la: «Ogia ia mundu guztiak kon­tsumitzen duen pro­duk­tua da eta informazi­oa zabal­tzeko mo­du berria aurkitu ge­nuen ogiaren poltsaren bidez. Euskarri sin­plea da, %100 zelulosa, biodegradagarria da eta ez du kutsatzen. 50-100 egunen ar­te­an ongarri bihurtu daiteke».
Esandakoaren arabera, ba­tez ere zuzendua dago es­kual­deko merkatariei, en­presa txiki eta ertainei eta Uda­lei. «Balio dezake, esaterako, festen egitarauak jartzeko, zaborra biltzeko egunak gogorarazteko... Horrez gain, jartzen ditugu denborapasak, errezetak, ederrago egoteko aholku­ak eta oparia duten txekeak ema­ten ditugu, eta hilabete batean ogia doan eramateko zozketak egingo ditugu, besteak beste», azaldu du­te.

Okindegi guztietan doan
Buruntzaldeko eta Zubie­ta­ko okin­degietan doan banatuko di­tuzte poltsak, eta horrela lortu nahi dute okindegiek orain arte erabiltzen dituzten poltsa kutsagarriak ordezka­tzea eta ziurtatzea %100ean Publipa­ngo informazioa za­bal­­tzea. Guz­tira 60.000 poltsa banatuko dituzte hilabetean. Hila­be­teko lehenengo egunean er­diak, eta beste erdiak 15ean.

90 frankizia Estatuan
Publipan enpresa 2005ean sortu zen eta egun 90 frankizia ditu Espainiar Estatuan. Por­tugal, Brasil, Costa Rican... ere zabaldua dago egitasmoa.
Interesa duenak Burun­tzal­deko bulegoa Astigarra­gan aurkituko du (C/Pelo­ta­ri, 19). Internetez ere jarri dai­teke harremanetan burun­tzal­dea@publipan.net helbidean eta telefonoz: 943 33 33 38 /667 435 643.