Joan den asteburuan Euskadiko Absoluto Txapelketa jokatu da eta bertan, Maitane Iruretagoyena atleta hernaniarrak hartu du parte. Larunbatean 4x100 erreleboa egin zuen Atletiko San Sebastian taldearekin eta urrezko domina lortu zuten taldearen errekor berria eginez. Igandean berriz, 200 metroko proban, beste urrezko domina lortu zuen Iruretagoyenak 24.57 denborarekin. Marka hori hernaniarraren denborarik onena da eta Gipuzkoako errekor berria junior mailan, proba horretan.
Horrez gain, uztailaren 19tik 25era Moncton-era (Kanada) bidaiatuko du junior mailako Munduko Txapelketan parte hartzeko. Bertan 200 metroko proban eta 4x100 erreleboan hartuko du parte Espainiako selekzioarekin. Txapelketara joateko minima, pista estalian egin zuen (24.48) eta asteburuan lortutako denborarekin, forma onean dagoela erakutsi du.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!