Apustu eta trikiti doinuekin agurtu dituzte sanferminak

Lau egunez festa giroa na­gu­si izan ondoren, atzo bukatu ziren San Fermin Jaiak Mar­tindegi auzoan. Eta festak be­har bezala agurtzeko, egitarau zabala antolatu zuten atzo ere.
Auzotarrak Dianarekin es­­natu ziren eta bermuta har­tu ondoren, Euskal Fes­ta­ri eman zioten hasiera. La­rra eta Paolla Iñaki Azur­men­diren aurka lehiatu zi­ren aizkoran eta saltsa ederra sortu zen, Plaza jendez lepo zela.  Azur­men­di nagusitu zen minutu baten aldearekin, 21 minutu behar izan zituen. Egin­beha­rreko lana honakoa zuten: ka­naerdiko bederatzina enbor alde ba­koitzak. Hasiera hasieratik jarri zen aurretik Azur­men­di eta bi hernaniarrek ezin izan zioten aurrea hartu.
Harrijasotzen Telleria hi­ru anaiak aritu ziren eta ho­riek ere ikusmin haundia sor­tu zuten. Pisu ezberdineko ha­rriekin saio bana egin zu­ten eta ondoren, hiruren artean, 100kg-ko harria 50 aldiz zenbat denboran altxa aritu ziren. 4 minutu eta 6 segundo behar izan zituzten. Ondoren, Sus­trai Colina eta Sebastian Li­zaso bertsolariek ikusitakoaren kronika ederra egin zuten bertsotan.

Aia eta Zarautzera txapelak
Arratsaldean, besteak beste, XIVgarren Trikitilari Gazte­txo­en Txapelketa izan zen eta Aiako Ander Beldarrain eta Zarauzko Eneritz Aules­tiak jantzi zituzten txapelak. Festa giroa iluntzera arte luzatu zen Bidebatez taldearekin.