Aizkolari, harrijasotzaile eta bertsolariek girotuko dute azken eguna

Martindegi auzoko San Fer­­­min jaiak agurtzeko, egitarau zabala prestatu dute gaur. Goizeko 10:30etan Dia­na izango da eta egunaren gai­non­tzeko orduetan ez da aspertzeko tarterik izango. Eguerdiko 12:00etan hasita, Eus­­kal Festa izango da eta bertan, aizkolari eta harrijasotzaileak ariko dira. Aizko­ran, Larra eta Paolla neurtuko dira Azur­men­diren aur­ka, eta harrijaso­tzen Telleria hiru anaiak. On­do­ren, Sebas­tian Lizaso eta Sus­trai Co­li­nak ber­tso saio be­re­zia es­kai­niko dute. Arratsal­dean be­rriz, XIVgarren Trikitilari Gaz­te­txo­en Txapel­keta jokatuko da. Toka eta txinga txapelketak ere izango dira, eta festa gaualdera arte luzatuko da Bidebatez taldearekin.
Atzo ere giro ederrean ibili ziren Martindegin. Urte­ro­ko ohiturari eutsiz, auzo bazkaria egin zuten. Arra­tsaldean berriz, gaztetxoenek gozatu zu­ten puz­garri, zezen­txo eta zalditxoekin. Gau partean, abere de­mak, Laiotz taldeak eta Platano Dantza Lehiaketak ez zuten hutsik egin.

Gaurko egitaraua
10:30 Diana.   
11:00 Bermuta.   
12:00 Euskal Festa. AIZKOLARIAK: ‘Larra’ eta ‘Paolla’, Azurmendiren aurka. HARRIJASO­TZAILEAK: Telleria hiru anaiak.   
13:00 Bertsolarien saio berezia. Sebastian Lizaso eta Sustrai Colina.
17:00 XIVgarren TRIKITILARI
GAZTE­TXOEN TXAPELKETA.
18:00-19:00 Toka Txapelketa nagusia. (Gurutzeta Sukaldeek Antolaturik).
19:00 Bertsolarien bigarren saioa izango da. Sebastian Lizaso eta Sustrai Colina.
19:30 Txinga froga famatua.
20:00 Dantzaldia Bidebatez
taldearekin.
23:00: Festei amaiera emateko
kalejira auzoan zehar.