chillida-Leku museoko paraje paregabean Funk, Soul eta Indie estiloko musika kontzertuak entzuteko aukera izango da udaran zehar. Xpresionk! taldearen laguntzarekin, hiru kontzertu antolatu ditu museoak, eta aurrenekoa gaur izango da, Funk estilokoa.
Museoaren helburua da arte espresio guztien arteko elkarrizketa filosofia bultzatzea, eta horregatik, bisitariari proposatuko diete Gipuzkoako hainbat musika talde gazteen musika.
Louise Micheleren
emanaldia gaur
Aurreneko kontzertua Louise Michelek emango du, gaur, bere bandarekin. Kontzertua arratsaldeko 18:00etan izango da, eta sarrerak bertan izango dira salgai, orduerdi lehenago, 17:30etan. Sarrerak 3 euro balio du.
Kontzertua aire librean izango da, Chillida-Lekuko zelaietan. Euria egingo balu, Zabalaga baserrian hartuko lukete aterpe, ezin dotoreagoko babesean.