Lasarte-Oriako Plenoak erabaki du, Ricardo Ortegari kentzea, San Marko Mankomunitateko ordezkaritza

Ricardo Ortegak utzi egin beharko du San Marko Man­­ko­munitateko lehendakari kargua, Lasarte-Oriako Ple­noak ordezkaritza kendu diolako. Ricardo Orte­ga Ez­ker Batuako zinegotzia da, eta Lasarte-Oriako ordezka­rie­ta­ko bat, San Marko Man­ko­mu­nitatean. Osteguneko Ple­noan, ordezkaritza ken­tzea erabaki zuen Lasarte-Oriako Plenoak,
PSE-EE, EAJ, PP eta H1 alderdien al­deko botuarekin, Ezker Aber­­tza­lea eta Ezker Ba­tuaren aurkako bo­tue­kin, eta PCLO­ren absten­tzioarekin. Orte­ga­ren le­kua Martin Mo­reno PSE-EEko zinegotziak beteko du.
Ortega ordezkatzea proposatu dutenek adierazi du­tenez, «ez-adostasunak» izan dituzte zaborrak kudeatzeko politikei buruz, eta hori da ordezkari berri bat izenda­tzeko arrazoi nagusia.
Ezker Batuak zenbait ko­munikabidetan salatu du, La­sarte-Oriako Alkateak «txan­­­­­ta­jea» egin nahi izan diola Ortegari, Lasarte-Oria­ko hiri­gin­tza operazio «du­dako» bat, onartu nahi izan ez duelako.

Lehendakari berria  
San Markoko ordezkarien juntak lehendakari berria izendatu behar du orain. Bitartean, Ez­ker Abertzaleko Imanol Az­pirozek beteko du leku hori, orain arte lehendakariorde izan denak.