larunbatean estreinatu zuen, eta abuztuaren 27ra bitarte egongo dira, NoColor aretoan, Donostian, Gros auzoan. Jose Angel Yanci Urtasun hernaniarrak 20 pintura obra jarri ditu erakusketan, 21 Gramoko Papera izenburuarekin.
Pintura abstraktoak dira, paperean pintatuak eta oso koloretsuak. Tartean baditu lientzo edo mihisean egindako obra bat edo beste ere. Gainerakoetan paperean egin ditu, eta hortik erakusketaren izena ere, pelikula baten izena oinarri hartuta jarritakoa, Alejandro Gonzalez Iñarrituren pelikula, hain zuzen ere. Paper arrunta erabili du batzuetan, eta beste batzuetan, argazki papera ere bai.
Jendeak ikusi eta erosi egin ditzake artista hernaniarraren pinturak, NoColor aretoan.
Yancik urte asko daramazki Donostian bizitzen, baina jaiotzez hernaniarra da, Martindegin hazia, 15 urtera arte. Julian Ugarteren estudioan hasi zen pintura ikasten, eta Goenaga, Zumeta, eta Baroja Collet eta Zapirainekin ere aritua da. Taldean, 18 erakusketa egin ditu, eta bakarka 5. Sariak eta aipamenak ere baditu; esaterako, Tarnos Hiriko Saria, Udazkeneko 62. saloiean.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!