«AURTEN patata urtea da. Dagoeneko 160 kilo salduak ditut». Etxerako 350 kilo inguru gordetzen omen ditu urtero, «familian enpleatzen ditugu, seme-alabak, koinatak... gustora jaten dugu etxean». Urtero 30 bat kilo ereiten dituzte, eta 1.000 kilo inguru bildu. Kiloa biltzen ez dute zaila, Erbitegi baserriko terrenoetan, pieza bakarrean sartzen baitute pixu hori. Kiloko patata eskuetan duela harrapatu dugu Inaxio Galarraga. Bakarra ez, gainera! Baten faltan, bi. Goiz-patatak dira, Spunta barietatekoak, jateko bikainak, Galarragaren hitzetan. Erdia bakarrik daukate aterea; beste erdia ateratzeko. Agria barietatekoa omen da ateratzeko daukatena, «patata hori-horia, kontserbatzeko-eta, hobea». Beti Hernaniko Plazako dendan saltzen dute etxeko produktua; eta ez patata bakarrik, baita ere:
letxuga, azelga, tomatea, babarruna...
75 urte Erbitegin
Ergobiko Erbitegi baserrikoa da Inaxio Galarraga, eta han bizi ez bada ere, bertako terrenoetan jarraitzen du baratza egiten. 75 urte ditu, eta beti ezagutu eta egin du baratza etxean. Hiru goldeko terrenoa omen dute. «Ba al dakizu zenbat duen golde batek?». Kazetariak ez, baina berak ederki asko daki: «3.333 metro kuadro». Beraz hiru goldeko terrenoa gobernatzen dute, urtero-urtero. Neurriak ateratzen ez dago zaila; horrek zenbat lan duen neurtzea... hori beste kontu bat da.