Iker Arrillaga eta Adriana Alexandru onenak, 141en artean

txantxangorri elkarteak X. Itsas Arrantza Txapel­keta egin zuen joan den asteburuan, eta arrakasta ederra izan zuen, 141 arrantzale inguratu baitziren Donos­tia­ko kostara. Irabazleak: gizonezkoetan Iker Arrillaga (La Zurriola A taldea), eta emakumezkoetan Adriana Ale­xan­dru (Txantxangorri). Ju­bilatu onena Javier Luquin izan zen (Mons taldea), eta Jubeniletan Julen Espilla (Anade A taldea). Hernaniar onena Ignacio Irigoien izan zen 4garren postuan. Piezarik haundiena Iker Arrillagak harrapatu zuen, 1.159 gr-ko karraspioa edo durdoa. Taldeka, Mons A taldea izan zen onena, eta bigarrena, berriz, Txantxangorri. Pun­tua­tu zutenak 36 arrantzale izan ziren, eta guztira 51 pieza arrantzatu zituzten.