Hernaniko Txapeldunak baditugu, pelotan eta squashean. Pelotan, emakumeetan Tejedor ahizpek irabazi zieten Galdeano ahizpei; eta gizonezkoetan, Lazcano eta Zubimendik, Ruiz eta Arluziagari. Squeashean Javier Serrano da txapelduna, Ander Barrenetxeari finala irabazita.
Pelotan, ahizpen arteko
finala
Idoia eta Iratxe Tejedor dira Hernaniko pelota txapeldunak. Final parekatua jokatu zuten Kristina eta Mari Jose Galdeanoren kontra, eta 25-19ko emaitzarekin, eskuratu zituzten txapelak.
Lazcano eta Zubimendi,
txapeldun zaharra eta berria
Gizonezkoen txapelketa berriz, Lazcanok eta Zubimendik irabazi zuten, 30-19, oso partidu ona jokatuta. Lazcanok badaki zer den Hernaniko txapeldun izatea, eta Zubimendik aurten jakin du. Aurrean ez zituzten nolanahiko aurkariak. Mañel Ruiz eta Iñigo Arluziagak bikote ederra osatzen dute, eta beraiek ere badakite zer den txapelketa irabaztea. Azken bi urteetan, dena dela, txapelaren atarietan geratu dira, baina ez dago esan beharrik, hor goian izango direla datozen urteetan ere. Azken bi urteetan txapeldun izan dena, Oscar Lazcano da. Aurten bikote berriarekin irabazi du, Aiheko Zubimendirekin. Zubimendik oso seguru jokatu du atzean, eta Lazcanoren joku puntu ona oraindik gehiago nabarmendu du horrek.
Javier Serrano txapeldun,
bi urtez jarraian, squashean
Squashean berriz, iazko txapelduna dugu aurten ere. Javier Serranok irabazi dio 3-2, Ander Barrenetxeari, final oso parekatua jokatuta. Barrenetxea hirugarren izan zen iaz, eta bigarren postua ere lortu du gehiagotan. Datozen urtean ere emango dute zer esana bi jokalari haundi hauek.