ORGANO donante egin nahi duenak gaur dauka aukera, Hernanin, hileko lehendabiziko asteartea baita. Hilero izaten da aukera Hernaniko Anbulatorioan, organo donante egiteko, eta odola emateko. 18:30etatik aurrera dute ordua, 20:30ak bitarte, eta dezente izango dira azalduko direnak, hilero bezala. Hernanin donazio asko egiten dira hilero, eta gehiago behar den arren, leku gutxi dira munduan, Gipuzkoan, Bizkaian eta Araban adina donazio egiten direnak.
64 odol emaile ekainean
Ekainean 64 odol estrakzio egin ziren Anbulatorioan, eta horietatik 1 berria zen. Maiatzean 54 estrakzio izan ziren; apirilean 67 eta 4 berri; martxoan 70 eta 2 berri; otsailean 38; eta urtarrilean 69 eta 2 berri.
Organo donanteak jaitsi
Organo emaile edo donante egin nahi duenak ere gaur aukera du izena emateko, Anbulatorioan. Datu orokorrek diotenez, jaitsi egin da donazio kopurua, baina hala ere, Euskal Autonomi Erkidegoa puntan dabil mundu mailan. EAEn 2.500 pertsona bizi dira transplanteren batekin. 2009an EAEn 188 transplante egitea lortu zen: 116 giltzurrun, 49 gibel, 9 bihotz eta 14 birika. Milloi bat pertsonako, 40 trasplante, hain zuzen ere. Munduko datu onentsuenak dira horiek. Hurrengoak: Espainiar Estatua 34,2 trasplante, milloi bat pertsonako; Portugal 26,7; Estatu Batuak 26,3; Belgika 25,7; Frantzia 25,3. y