Euskerazko mintzamena landu nahi duten guztientzat, udako ikastaroa antolatu dute Hernaniko eta Astigarragako AEK-k. Ikastaroa uztailean izango da, eta klaseak arratsaldez izango dira, AEK-k Hernanin duen egoitzan.
Ikastaroa zuzendua dago euskeraz erdi edo goi maila duten jendeari. Eta metodologiari dagokionez, ahozko jardunetan erabiltzeko teknikak landuko dituzte: gai bati buruzko iritzia eman, arrazoia ematerako orduan argudiatu, eztabaidetarako teknikak barneratu, eta gai baten inguruan azalpen formalak landu, besteak beste. Beraz, saio praktikoak izango dira.
Datorren astetik aurrera
Ikastaroa datorren astean hasiko da, eta parte hartu nahi dutenek lehenbailehen eman behar dute izena hernani@aek.org helbidera idatzita, edo 943 55 78 01 edo 607 59 28 64 telefonoetara deituta. Ikastaroan parte hartzen dutenek dirulaguntza jasotzeko aukera izango dute.