Hernaniko zazpi taldek hartuko dute parte Donosti Cup jendetsuenean

Kronika - Erredakzioa 2010ko uzt. 3a, 02:00

Zazpi taldeetatik bostek gizonezkoen txapelketan hartuko dute parte, eta bik emakumezkoen txapelketan. Torneoa 16 zelaietan jokatuko da, eta horietako bat Zubipe izango da; 24 partidu jokatuko dira Hernanin.

inoiz baino parte hartze haundiagoarekin, astelehenean hasiko da Donosti Cup futbol torneoa. 260 taldek hartuko dute parte aurten, 20 herrialde ezberdinetakoak, eta horien artean, lehian, Herna­niko zazpi talde arituko dira. Donosti Cup torneoa 12 mailatan dago banatuta, adin tartea kontuan izanda; bi txapelketa jokatzen dira, emakumezkoena eta gizonezkoena. Hernanik bost talde izango ditu gizonezkoen txapelketan, eta bi emakumezkoen txapelketan.

Adinaren arabera, mailak izen bat edo beste du torneoan; hau da, maila B13 bada, bertan 13 urteko neska edo mutilek jokatzen dute.

Gizonezkoetan, hiru partidu aurreneko kanporaketan

Torneoa astelehenean hasiko da, eta Hernaniko talde guztiek izango dute partidua egun horretan bertan. Aurre­neko fasea izango da, eta hiruna partidu jokatuko ditu talde bakoitzak, hirurak jarraian: astelehenean, asteartean eta asteazkenean.

Gizonezkoen txapelketan, Hernanik parte hartuko duen maila  txikiena B12 da. Astele­henean Hernanik San Ingacio zelaian jokatuko du Zabal­ganabide CDF taldearen kontra, 15:30etan. Asteartean berriz, Zubietan jokatuko du Sant Gabriel CEren kontra, 10:00­etan. Eta asteazkenean, San Ignacion, Mario CD-ren kontra, 17:00etan.

B13 mailan, astelehenean Hernanik Sanse Uni­ted-en kontra jokatuko du, Berau­nen, 11:00etan. Astear­tean, 13:00etan, Zubi­pen, Englan­tins taldearen kontra. Eta asteazkenean, 12:00etan Fan­derian, British Interna­tional Schoolen aurka.

B14 mailan, Hernanik Fac­toryaren kontra jokatuko du etzi, Beraunen, 17:30etan. As­teartean Zubipen, 16:00­etan, Villers Football Cos taldearen kontra. Eta azkenik, asteazkenean, 12:00etan Zu­bi­pen, Donostiarrak CD-ren aurka.

B15 mailan, ST Seurin Junior JC taldearen kontra jokatuko du Hernanik aurreneko partidua, 13:30etan, Ce­sar Benito zelaian. Bigarrena, asteartean, Urnie­tan, Marian Dieten kontra 18:00etan. Eta asteazkenean, Cartagena CF taldearen aurka ariko dira, 11:00etan, Zubietan.

Azkenik, helduenek, B16 mailakoek, Herreran hasiko dute torneoa, Sporting de He­rrera taldearen aurka, 17:30­etan. Asteartean, Cesar Be­niton jokatuko dute, Sao Joao de Brito Colegioren kontra, 13:00­etan. Eta asteazkenean, Usur­bilen, Molins de Rei CF-ren aurka, 17:00etan.

Emakumezkoen txapelketan, hernaniarrek nigeriarrekin jokatuko dute
Emakumezkoen mailan, aurten Hernaniko bi talde arituko dira lehian, eta horietako batek badu berezitasuna. Her­naniarrek British Inter­national School taldekoekin jokatuko dute, G14 kategorian. Aurre­neko partidua, asteazkenekoa, Fanderian jokatuko dute Je­sui­tinasen kontra, 11:00etan. As­tear­tekoa Sant Gabriel CEren aurka jokatuko dute, 12:00etan, Zubietan. Eta asteazkenean Fanderian jokatuko dute berriz ere, Añor­garen aurka, 11:00etan.

Hernaniko neskak izeneko taldeak berriz, G18 mailan jokatuko du torneoa, eta aurreneko fasean lau partidu izango ditu: astelehenean Ma­ti­go­xotegin, Academia Meri­ciren kontra, 18:30etan. As­tear­tean Fanderian Conde FCFren aur­ka, 10:00etan. Eta as­tezkenean bi Beraunen: 10:00­etan Iraiderren aurka, eta 18:00­etan Donostiarraken kontra.

8 partidu hilaren 5ean Zubipen
Donosti Cup torneoko partiduak Gipuzkoako 16 zelaietan jokatuko dira, eta horietatik 24, Zubipen. Gaur esaterako, 8 partidu jokatuko dira Hernanin: Alca­la/Sporting de Herrera; 3 Ponts/Inter­na­tional; Embajadores/Luberri; Sportingo Tias/Oreretako La­gunak;Donostikoak/Marugame FC; Pasaleku­/CL Sport; Luberri/Irun, eta Burun­da/Vasconia.  

DATUAK

260 TALDE
600 partidu
70 epaile
800 entrenatzaile
5.000 jokalari
7 maila gizonezkoetan
5 maila emakumezkoetan
16 ZELAI
4 belar naturala
12 belar artifiziala
200 baloi
20 HERRIALDE
4 kontinente
60 talde atzerritarrak
50 hiri
18 hizkuntza
24 FINAL
12 final absoluto
12 kontsolidazio final
48 kopa
960 domina
1 Unicef saria

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!