PSE-EE alderdiak adierazi du, Gobernu Taldeak ez duela egi guztia kontatu San Joan jaietako barraken inguruan. Kronikara bidalitako prentsa oharrean dio, Gobernu Taldeak orain arteko zentzugabekeria guztiak gainditu dituela erabakiarekin: «prentsan `bere erarara´ justifikatu nahi izan du barrakarik egon ez izanaren arrazoia. Noiz jabetuko ote dira, barrakak direla, bere osotasunean, herria festetan dagoela adierazten dutenak: tiobiboak, autotxokeak, tonbolak... barrakak dira herria alaitzen dutenak, eta gaztetxoenak eta ez hain gazteak zoriontsu egiten dituztenak»
«Justifikatu ezin dena
justifikatzen saiatu dira»
PSE-EEk dio Gobernu Taldea justifikatu ezin dena justifikatzen saiatu dela, eta barrakarik ez egotearen arrazoia dela prezioen igoera: «Esaten ez dutena da, zein den prezioen igoeraren arrazoia. Barrakak herriaren kanpoaldera eraman nahi zituzten. Agian Santa Barbarako harrobia proposatzea ahaztu zitzaien, edo ez zuten ikustea nahi gune honek duen erlazio zuzena hernaniarrei inposatutako atez atekoarekin».
«Barrakak instalatzeagatik ordaindu beharrekoa igo nahi zieten ferianteei»
Alderdi Sozialistak adierazi du, Gobernu Taldeak aipatu ez duen beste kontua dela ferianteei igo nahi zitzaien diru kopurua barrakak instalatzeagatik: «Zein espero zuten izatea ferianteen jarrera prezioak igotzen bazizkieten, eta gainera, jendearen presentzia nabarmen jaitsiko zen leku batera bidaltzen bazituzten? Azalpenak soberan daudela uste dugu. Argi dago ez zaiela interesatzen gure festak Tilosetako ekitaldi ludikoak baino zerbait gehiago izatea.» yy