Greba Orokorrak markatu zuen eguna, atzo Hernanin

Greba Orokorra deitu zu­ten atzo sindikatuek, Hego Eus­kal Herrian, Zapateroren Go­ber­nuak onartu berri duen Lan Erreformaren kontra. Gre­­­bak eragin haundia izan zuen Hernanin, eta itxi egin zuten herriko komer­tzio, en­presa eta zer­bitzu gehienek. Trans­­­por­te publikoak zerbi­tzu minimoak egin zituen.

Her­nanitik kanpora, sindikatuek diote, grebak arrakasta haundia izan duela: %75 inguruko jarraipena; Patronalak eta Lakuak, berriz, era­ba­teko frakasoa izan dela: %10-20eko jarraipena.

Manifestazioak
hiri eta eskualdeetan
Eguerdian eta arratsaldean izan ziren manifestazioak, sindikatuek deituta. Eguerdian, Do­nos­tian milaka lagun bildu ziren bi manifestaziotan. Alde batetik, ELA, LAB, ESK, STEE-EILAS, EHNE eta HIRU sindikatuek Bule­ba­­rretik abiatuta egin zu­ten manifestazioa. CCOO sindikatuak bere aldetik deitu zuen ma­ni­fes­ta­zioa, Artzai Ona katedraletik. Sindi­katuen arabera, Buleba­rreko manifestazioan 15.000 lagun in­guru bildu ziren.

Arratsaldean eskualdeka egin ziren manifestazioak, euskal sindikatuek deituta. Hernanin egin zen eskualdeko ma­ni­festazioa, Gure eskubideak defenda ditzagun; inposaketarik ez lemarekin.

Sindikatuak oso gustora
Sindikatuek adierazi zu­ten %75 inguruk egin zu­tela atzo greba. Gi­puz­koan %80 ingurukoa jo zuten, eta Burun­tzal­de­an, %90 ingurukoa. Trans­porte publikoa ere ia erabat geratu zela azpimarratu zuten, bereziki, «oso esanguratsua da hori, jarraipen bajuena hor izaten baita normalean. Langileak haserre dau­de, erreforma berri honekin. Lanpostu ge­hia­­go sortzeko aitzakian egin dute, baina ba­da­kigu zer sortuko duen: baldintzak eskastu eta kaleratzeak erraztu». 

Barne Sailaren ustez
«normaltasun osoa»
Eusko Jaurlaritzako Bar­ne Sailak adie­razi zuen, greba deialdiak ia eraginik ez zuela izan Euskal Autonomi Erkidegoan, eta normaltasun osoz joan zela atzoko eguna. Jarraipena %8,65ekoa izan zela adierazi zuten. Confebask eta Adegi patronalek %20 inguruko jarraipena izan zela adierazi zuten. 

3 atxilotu eta
13 inputatu
Gasteizen eta Bilbon izan ziren istilu haundienak, Ertzaintza eta langileen artean. Bilbon pertsona bat atxilotu zuten, eta Gasteizen bi.  Horrez gain, 13 pertsona inputatu zituen Er­tzaintzak, eta piketeen kontra behin baino ge­hiagotan kargatu zuen.

Idoia Mendia Eusko Jaurlaritzako bozeramaileak adierazi zuen, piketeek arazoak sortu zituztelako jokatu zuela horrela Ertzaintzak; eta gainerakoan eguna normaltasunean joan zela. Sin­di­ka­tuen arabera, Er­tzain­tza­ren jokaera «erabat lekuzkanpokoa» izan zen.