San Joan jaiek eman dute berea

Aurtengoz bukatu dira San Joan jaiak. Musika Esko­la­ko kideek bandera jaistearekin batera, datorren urtera arte agurtu zituzten herriko jaiak atzo hernaniarrek. Eta azken eguna izaki, ez zen ekitaldirik eta girorik falta izan egun osoan zehar. Goizean goizetik, Diana eta Sokamu­turraren ostean, Axeri Dan­tzan, adin tarte guztietako jende mordoa bildu zen. Eta hortik aurrera, ez zen atsedenik izan.
Ohitura den bezala, San­joa­­nak agurtzeko Baserritarren Egu­na izan zen atzo Elur Txo­ri elkarteak antolatuta. Hast­e­ko, idi-dema erakustaldia izan zen Plazan. Inaxio Te­lleriaren idi pa­rea eta Iñaki Intxaurbu­rurena leihatu zi­r­en 1.500 kiloko harriarekin. Intxaurburu herna­ni­a­rra na­gu­situ zitzaion lasartearrari 41 plaza eta 4 metro eginda. Te­lleriak 35 plaza eta erdi egin zituen.
Ondoren, jendea Tilose­tan bildu zen, bertan, Urrez­ko Aiz­korako Txapelketako kan­po­raketa jokatu baitzen. Anjel Arrospide nagusitu zitzaion Joxe Mª Olasa­gas­tiri 16’07ko denbora eginda. Igeldoarrak 17’27 behar izan zuen.

Konpartsa eta pelota
Arratsaldean ikusmin haundia sortu zuen San Joan Kon­partsaren emanaldiak. Oialu­me­ko Bilera ekarri zuten gogora. Pelota jaialdira ere ez zuten hutsik egin pelotazaleek. Par­tidu estelarrean Berasaluze VIII-Apraizek irabazi zieten 22-17 Bengoetxea VI-Men­di­za­bal IIri. Lehenengo parti­du­an, berriz, Ola­e­txea-Urri­zel­­ki­/­Le­mu­no-Argote lehiatu zi­­ren eta 14-22 izan zen emaitza.