Arratsaldea girotzeko dantza eta bertsoak

Ttarla dantza taldearen emanaldiaren ondoren, punta-puntako bertsolariak aritu ziren atzo Plaza girotzen arratsaldea ondo baino hobeto agurtzeko. Maialen Lujanbio eta Iñaki Zelaia hernaniarrak eta Andoni Egaña eta Julio Soto aritu ziren bertsotan. Aitor Mendiluze, berriz, gai jartzaile lanetan aritu zen. Umoreaz gain, saltsarik ez zen falta izan, azken aldian herrian polemika sortu duten gaiak ere landu baitzituzten: Atez Atekoa, aurten barrakarik ez izatea...