«Atez Atekoaren lehenengo hilabetea txapuza bat izan da»

Jose Ramon Chica Hernaniko PSE-EE alderdiko bozeramaileak azaldu du «txapuza» bat de­la orain dela hilabete herrian mar­txan jarri den atez ateko hon­­dakin bilketaren funtzionamendua. «Egunero au­zo­ren bat dago zaborra jaso ez zaiona. Alka­tearen balorazioa argitaratu zen egunean bertan, Etxe­be­rri auzoa. Egun hartan bilketa taldea ez zen iritsi zaborra jasotzera eta auzoa egoera tamalgarrian es­na­tu zen», gaineratu du Chicak. Horrez gain, gogorarazi du Udalak langile kopurua haunditu duela, 2tik 10era, hondakin bilketa sistema berriari aurre egiteko; baina erabateko kaosa dagoela, hala ere. «Hernania­rrek arazoak dituzte sistemak ez duelako funtzionatzen; izan ere, zaborra egunero bildu beharko litzateke, baina ez da horrela eta honek osasun arazoak sortu di­tzake». Hain justu, salatu du, larrialdi guneetan osasun arazoak hasi direla sortzen zenbait animaliaren presentzia dela eta. Chicak Udalari eskatu dio zen­tzuz jokatu eta bos­ga­­rren kon­tenedorearen al­de egin de­za­la. «Kontenedoreen sistema era­ginkorra, koherentea eta in­gu­rumena kontuan har­tzen due­na da, Atez Atekoa be­rriz, kon­plikatua eta zikina». Eta gaineratu du, ez dutela ulertzen Udalak ez jartzea zerbi­t­zu minimoak, bilketarako astearteko greba orokorra dela eta.