Galarreta martxan dago berriz

galarretak ateak zabaldu zituen atzo, bi hilabete itxita egon ondoren berri­tze la­nen­gatik, eta irekiera jaialdia ez zen nolanahikoa izan. Frontoi berria jendez lepo zegoela, erre­mon­teari eta Galarretari buruzko bideo emanaldia­re­kin hasi zen jaialdia, Xabier Euzkitzek aurkezpen lanak eginda. Ondo­ren, Oriamendi 2010 enpresako erre­montista guztien aurkez­pe­na egin, zinta moztu, aurreskua dantzatu eta Maialen Lujanbiok pare bat bertso bota zituen. Amaiera bi partidu estela­rre­kin eman zitzaion. Alde batetik, Ez­kurra-Li­za­so/Zeberio II-Urru­tia neurtu ziren eta azken horiek irabazi zuten 39-40. Bestetik, Urriza-Etxeberria III­ak 34-40 galdu zuten Uter­ga-San Miguelen aurka.