Giro ederrean ibili, eta giro ederra jarri, egin zuten atzo koadrilek.

Atzo koadrila eguna, Hernani kolorez jantzi zen. Eguerdian koadrilen arteko brindisa egin zen, eta Hernaniko koadrila bat omendu zuten: Ezgaudedenok koadrila, hain zuzen. Txanpaina ireki eta eskuak airean egin zuten brindisa; topa! Gora San Joanak! Iparraldeko Txato bertsolariaren hiru bertso kantatu, eta kalejiran jira zuten herria. Bapo bazkaldu, eta arratsaldean, bazkalondoa ederki luzatuta, Betikoak txarangaren atzean ziren berriz, koadrila gehienak; norbere koloreko alkandoraren atzetik.