Axeri Dantza; gero eta gehiago indartzen ari den usadioa.

Atzo ere, izugarria izan zen Axeri Dantzako jendearen emana. Urte askotako ohitura da Axeri Dantza Hernanin, eta gero eta jende gehiago hurbiltzen da goizean goizetik, maxkuriaren dinbi-danba hotsera. Lan haundia egin behar izan zuten sokako 18 lagunek, kale buelta osoa egiteko. Bide batez, ikustera inguratutako guztien bizkarrak berotu zituzten, pasaizoan. Gehienek hartu zuten sustoren bat, eta bat edo beste, bero-bero eginda erretiratu zen etxera.