Gaurtik aurrera zabalik izango da Donostiako bigarren zinturoia

Bilbotik Baionara autopistan doazenek edo alderantzizko bi­dea egiten dutenek aukera be­rria izango dute gaurtik aurrera, donostiako bigarren zinturoia edo saihesbidea erabiltzeko moduan izan­go baita.  Usur­bil, Lasar­te-Oria, Hernani, Do­nos­tia, As­tigarraga, Erren­teria eta Oiartzunetik pasako da 17km dituen errepide berria. Her­­na­nin 4,5km harrapatzen di­tu. Gaur egungo AP8 eta N1a­ren «kolapsoa arintzeko» egin du Gipuzkoako Dipu­tazioak eta egunero, 40.000 ibilgailu ibiliko direla kalkulatzen dute.

Peajea 0,63 euro
Errepide berriak peajea izango du Zarautz, Orio, Oiar­tzun eta Irungo guneetan. Ibilgailu arinek 0,37 euro ordaindu beharko dute, I. kategoriako kamioi­ek 0,63 euro eta II. kategoriakoek 0,74. Ordainketa automatiko bidez (Viat) gipuzkoarrek ez dute ordaindu beharrik izango; hori bai, 24 orduren barruan gutxienez, joan-etorriko bidaia bat egin beharko dute aipaturiko peaje-gune horietan.