Asteburu jendetsua espero da

San Joan jaiak puri-purian, eta asteburua gainean. Au­rrei­kuspen guztiek jendetza izango dela diote, eta Her­na­ni prest dago, hiru egun haun­­ditarako. Koadrila eguna da gaur, eta Sokamuturra eta Azeri Dantza izango dituzte goiztiarrenek, Gudarien plazan, eta datozen bi egunetan ere bai, gaur berandu­tzen direnek. Kolorez jantzita aterako dira, aspaldiko lagun zaharrak, eta be­rriak, bazkaria enkargatua izango dutenak dagoeneko, herriko jatetxe edo elkarteren batean. Gazte Bilguneak berriz, Tilo­se­tan egingo ditu bazkaria eta showa. Txarangazaleek gaur hiru dituzte, aukeran: goizean, Santa Barbara, Betikoak arra­tsaldean, eta In­can­sables gau­e­an. Dantza kubatarrak ere izango dira, eta Kupela taldea ere bai, Plaza Berrin, gusto guz­tientzako menua. Gau elek­tronikoa ere berezia espero da Tilo­se­tan, asteazkenean gaz­te mordoa bildu zuena; gauean, DJak eta Abiba diskojaia. Haurrentzako, erraldoi eta buruhaundiak, Poxpolo eta konpainia pailazoak, eta pottokak eta zezen-txikiak. Atzo ere mugimendu haun­­dia ibili zen Hernanin, Dianak, haurren danborradak, musika eta txistuak eta abarrek erakarrita... eta gaur, bihar eta etzi ere, modua egina dago, bide horretatik jarraitzeko.