San Joan jaiei hasiera ofiziala Udal Musika Eskolak eman zien atzo, eta ondo irabazitako omenaldia egin zioten herritarrek eta udal ordezkariek. Udaletxeko balkoitik, Musika Eskolak esker oneko hitzak egin zituen, Joxan Goikoetxearen ahotik: «gure eskerrak agertu nahi dizkiogu Jai Batzordeari, omenaldi honengatik. Musika eta festa hain erroturik dagoen herri honetan, tradizio horiek irakatsi eta elikatzea da gure eginkizuna. Motibazio berezia dugu, 25 urteotan bezala aurrerantzean ere berdin jarraitzeko. Gure eskerrik beroena Musika Eskolatik pasa diren irakasle, ikasle eta
langile guztien partetik. Festa on eta alaitsu batzuk opa dizkizuegu. Gora San Joan! Gora Hernani!».
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!