Udako Solstizioa ospatu zuten asteartean Chillida-Lekun, ohitura bezala, eta jendetza haundia bildu zen, Kukai dantza konpainiaren espektakulua ikustera. Musikak eta poesiak lagundutako emanaldia izan zen, perkusioarekin hasi (argazkian, Iñaki Telleria; eta Jorge Pacheco hernaniarra ere bertan izan zen), poesiarekin segi, eta dantzarekin bukatu zutena. Zabalaga baserriko belazeetan, batera eta bestera ibili ziren ikusleak, artisten eta espektakuluaren atzetik, urteko gaurik motzena gozatzeko asmotan, urteko egunik luzeenaren bezperetan.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!