Urtero bezala, aurten ere, Hernaniko Amher-Sos Arrazakeria taldeak hainbat ekimen antolatu ditu San Joan jaien barruan. Gaur, bi ekimen izango dira. Arratsaldeko 18:00etan, Fuerza Latina taldearen kontzertua izango da Txantxangorri Elkartearen aurreko oholtzan. Bertan, Kubako musika eta musika latinoaz gozatzeko aukera izango da.
‘Otiacicoh’ antzezlan
ikusgarria
Ondoren, 19:30etan, animaziozko antzezlan ikusgarria izango da adin guztietako publikoarentzat. Oihulari Clown taldeak Otiacicoh izeneko lana antzeztuko du (´iritsi gara`s, esan nahi du). Inmigrazioari buruz, kulturarteko harremanez, izadiarekiko eta pertsona ezberdinen arteko errespetuaz... ariko da antzezlana. Lan horren elaborazio eta zuzendaritza Birginia Imaz eta bere taldearenak dira.
Tamsna taldearekin
kalejiran
Gaurko ekimenez gain, joan den igandean Tamsna taldea ibili zen Kaxkoan barrena. Musika afro-arabiarrarekin inguruak ederki girotu zituen eta baita bat baino gehiago dantzan jarri ere.
Kubako musika eta inmigrazioari buruzko antzezlana gaur
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!